Immami nerisariiaat
Immap uumasuinik ilisimatuut nalunngilaat immami nerisariiaat qanoq sikuusarneranut malussaritsigisut. Taamaattumik misissuinikkut professori Torkel Gissel Nielsen, Danmarks Miljøundersøgelser ilisimatooqatinilu najoqqutassiorsimapput, kiatsittarnerisa nerisariiaanut sunniutaat paasineqarsinnaanngortillugit.
Illeqqat kaalerpata
Ukiuunerani issilluannginnera taamalu sikunnginnera ukiut tulliuttut aalisagakinnerannut najoqqutaassaaq.
Illeqqat assersuutaasinnaaput Kalaallit Nunaata kangerluini aalisakkat tukerlaavinit nerisaalluaramik, nerisariiaanit puisit nannullu naggasigaannit nerisaaqqaartuullutik. Ukiuunerani toquusareerlutik apriilimi qaffarlutik ilaatigut immap naasortulersarput. Imaq sikuerluni qaammaraangat marseqaliinnartoq imaq naajorartoqalertarpoq. Naajorartut uumasunit ikerinnarmiunit nerisaalissaput. Illeqqallu naasortugassaaruttut uumasuarsuit ataasiinnarmik cellillit naammagisariaqarpaat ikiliartulerlutillu. Tassalu aalisakkat tukerlaavi neriniagassakillissapput.
Naleqqussarneq
Najoqqutassiat inuit klimap allannguutaanut naleqqussarnerannut iluaqutaasinnaapput. – Nalunngikkutsigu nerisariiaat ississutsip allannguutaanit sunnerneqartartut aalisarneq nungusaataanngitsumik ingerlassinnaavarput taamaaliorluta kalaallinut pingaarutaa atatiinnassagatsigu, taamatut Torkel Gissel Nielsen uani issuagaavoq DMU-Nyt, nr. 1, isumaqarporlu uumasut allannguutinut naleqqussarsinnaasut.
Sulili oqaatigiuminaappoq klimap allannguutaasa nerisariiaat ungasinnerusumut qanoq sunnerumaaraat. Inuit ilaat isumalluarpput neriuutigalugulu assigiinngiiaarneq allanngussasoq, soorlu nunatta imartai ukiuni 30’ni saarulliisassimasut peqaleqqikkumaartut.