Nukissatut iluseq atugarineqarsinnaasoq minguinnerpaaq pissusissamisoornerpaarlu tassaavoq seqinermit nukissaq. Nunarsuarmi – aammalu Kalaallit Nunaanni – seqinermit qinngornerit ima annertutigaat annertoorsuanngukkamik seqinermit nukissap atorneqarnissaanut periarfissaqarluni, taamaalillunilu ikummatissat uumassusilinnit pilerfeqartut atugaaneri annikillisarneqarlutik.
Periarfissat immikkut ittut
Allaallumi pissutsit arlallit pisuullutik Kalaallit Nunaanni seqernup kissaanik pilersuiffiit immikkut ittumik pilerinassuseqarnissamut periarfissiisinnaapput, ingammik pissutsit immikkut ittut isiginiartillugit. Assersuutigalugu sammivinnit tamanit seqinermit qinngorneqarneruvoq. Taamaattumik seqernup kissaanik pilersuiffiit vakuumrørit atornissaat pingaarneruvoq, tassalu seqernup kissaanik pilersuiffiit manissut, kujasinnerusuni nalinginnaanerusut pinnagit.
Aamma aasaanerani pisariaqartitsineq
Aasap nalaani annertunerpaamik seqineqarfiusumi Kalaallit Nunaanni annertungaatsiartorsuarmik kiassaasoqarnissamut pisariaqartitsisoqarnera seqernup nukinganik ilippanaatip nalilernissaanut pingaaruteqarpoq.
Teknologiimik ineriartortitsinissamik pisariaqartitsineq
Taamaattorli seqernup nukinganik atuineq suli misileraaffimmiippoq, aammalu Nukissaqarfimmi Periusissatut Iliuuserisassatullu pilersaarummi. Naalakkersuisut erseqqissaapput immikkoortortami teknologiimik ineriartortitsinissamik pisariaqartitsisoqartoq, tassalu issittumi pissutsinut naleqqussaanermut, toqqortaqartarnermik ajornartorsiutaasumut, aammalu ukioq kaajallallugu seqernup atorneqarsinnaannginneratigut aalakkaasoqartoqannginneranut naleqqiullugu. Tamatumunnga atatillugu nukissap nunguttussaanngitsup ilusai assigiinngitsut ataqatigiissinnissaannik periarfissanik suliaqartoqarnissaq siunertaavoq.
Sisimiuni misileraavik
Artekip, Center for Arktisk Teknologiip, 2008-mi ukiakkut Sisimiuni Knud Rasmussenip Højskoliani seqernup kissaanik pilersuiffik ivertiterpaa. Pilersuivik taanna pillugu annertunermik atugaqarsinnaavutit uani: