Avataq
Avataq nammineq piumassutsimik peqatigiifffiuvoq, siunertaralugu Kalaallit Nunaata imminut napatinissaa minguitsunik avatangiiseqarluni, nunatai kusanarlutik allanngorarlutillu pinngortitarlu peqarluarluni assigiinngisitaarlunilu.
Anguniarneqarpoq nungusaanani pinngortitamit atuinissaq ilanngullugu inuiaqatigiit pinngortitallu pisariaqartitaasa naligiissarnerat. Avatallu isumaqataaffiisa ilagaat sanaartorneq, atuineq angallassineq, eqqaasarneq allallu inuit ingerlatissagaat sapinngisamik pinngortitaq avatangiisillu ajoqusernaveersaarlugit.
Avataq aamma nunarsuarmi klimap pissusiinut isummersimavoq. Peqatigiiffiup kalaallit inuiaqagiit inuillu ataasiakkaat akisussaaqataanissaat pingaartippaat.
Peqatigiiffiup oqaluserisassanut aallaqaasiaasa una ilagaat:
CO2’mik aniatitsinermut millisaatissaqqippoq ikummatissat akileraarusersornerat, aammalu biilit, qamuteralaat, angallatit motooriisa allallu kasiiligaasaarnerat. Pillaatit kajumissaatillu atoraanni soorluuna aquuteralaat biilillu avatangiisinut ajoqutaannginnerit pisiarinissaat pilerinarnerulissagaluaq.