Ataatsimeersuarnermit ’Beyond Kyoto’-mit silap pissusaanut inassuteqaatit arfineq-marluk
Qallunaat Nunaanni Århusimi 2009-mi marsip qaammataani silap pissusaa pillugu ataatsimeersuarnermi Beyond Kyoto-mi ilisimatuut 1000-it missaat peqataaqataapput. Ataatsimeersuarnerup siunertaraa peqataaqataasut sammisanut isummernissaat, tassaasunut politikki, uumassusillit assigiinngiiaat, nunalerineq, nanoteknologii, innuttaasut sunniuteqarsinnaanerat, Issittoq aamma akuleriissitatut nukissamik aaqqiissutit.
Ataatsimeersuarnerup silap pissusaanut inassuteqaatit arfineq-marluk kingunerai, aakkunani ataaseq Issittumi pissutsinik immikkut ittumik sammisaqartuulluni.
Ataatsimoorussamik, akimuisumik iliuuseqarnikkut silap pissusaani unammillerfissanik iliuuseqarnissamut periarfissaqarneranik, aammalu pilersitsiniarnerit pisariaqartuusut maannakkut aallartisarneqarsinnaallutillu aallartisarneqassanerannik tunngaviusumik isumamik inassuteqaatit tamarmik tunngaveqartinneqarput.
Issittoq pillugu inassuteqaat
- Nungusaataanngitsumik ineriartortitsineq issittumi sumiiffinni najugaqartuusut ilaatinnissaannik pisariaqartitsivoq.
- Nunarsuarmi Issittoq tassaavoq uumasoqarfinni pinngortitamilu isumalluutini silap pissusaata allanngorneranit sunniutinit sakkortunerpaarpaanik atugaqarfiusoq.
- Issittumi atortussiassat, soorlu uulia, gassi aamma aatsitassat atorneqarnissaat pillugit aalajangiussisoqartinnagu piviusutut najugaqarfinni innuttaasunik ilaatitsisumik sukumiisumik sioqqutsisumik suliaqartoqarnissaa pisariaqartinneqarpoq.
- Teknologii nungusaataanngitsoq nutaaq pisariaqartinneqarpoq, aammalu inooqatigiinnermi ilutsit aserugaanissaannut najugaqarfinni innuttaasut qanoq pitsaanerpaamik isumannaarnissaat pillugu ilisimasat pisariaqartinneqarlutik – peqqissutsip annaaneqarnera, kinaassutsip pigiunnaarnera aammalu atornerluilluni ajornartorsiutit nassataralugit.
- Naatsumik oqaatigalugu immikkoortortat aamma killeqarfiit akimorlugit peqatigiissoqarfiit pisariaqarput, Københavnimi COP15-ip kingunitsianngua pilersittariaqartut.