Silap pissusaanik ilisimatusarneq
Issittoq tassaavoq itsaq, ullutsinni siunissamilu ilisimatusarnermi aallaaviusoq pingaarutilik, tamatigullu Kalaallit Nunaanni Issittumilu piinnaratik nunarsuarmili tamarmi silap pissusaata allanngoriartuaarneranik ilisimalikkanik nutaanik Kalaallit Nunaanni eqqaanilu nunami, immami silaannarmilu ilisimatusarnermik suliniutit tunniussaqartuarput.
Ilaatigut det internationale polarår i 2007-2008, 2007-2008-mi nunat tamalaat issittup ukiuanut atatillugu sakkortusarneqartumi suliami ilisimatusarfipparujussuit peqataapput. Soorunami kalaallini ilisimatuut suliami iternga tikillugu peqataaqataapput, tamaanilu nunarparujussuarnit ilisimatuut suleqatigaat.
Ilisimatusarnermi sammisanik tamanik inernerisanillu tamakkiisumik maani takussutissiisinnaanngilagut. Kalaallit Nunaanni misissuinerit uuttortaasarfinnut aalajangersimasunut attaveqartut aammalu sermersuarmi qillerinerit pingaarutilippassuit sammisallugit toqqarsimavavut. Aammalumi nittartakkanut, ilisimatusarfiit assigiinngitsut saqqummersitsiviinut arlalinnut attaveqarfissanik, linkinik, ilanngussivugut.
