Silassamik siulittuutit
Siunissaq siulittoruminaappoq, ilisimatuullu nunarsuaq tamakkerlugu silap qanoq iliartuaarnissaa isumaqatigiinngissutigaat.
Pissutsit paasiuminaatsut
Siulittuutilli sapinngisamik ilisimatusarnermik tunngaveqartinniagaapput, itsaq ullutsinnillu ilisimasanik tunngaveqarlutik. Ukiut ingerlaneranni silap pissusiata allanngoriartuaarsimanera aamma silap pissusiinut sunniuteqartorpassuit ataqatigiissinniarlugit ilisimatuut silassamik siulittuusiorniarsimapput. Siulittuusiat paasiuminaatsuupput, ilagaallu silaannarsuarmut, imarpinnut, tatsinut, kuussuarnut, nunap qaavinut, sermersuarnut, serminut allanullu tunngasorpassuit.
Siulittutissiornerit
Siulittuusiassat paasissutissanik immersorneqartarput, soorlu gassit kiammik uterartitsisartut siunissami qanoq annertusiartuaarsinnaanerat, tamakkulu tunngavigalugit silap siulittuutiginissaa anguneqartarpoq.
Tatiginassuseq annertooq
Siulittuutit taamaattut tamatigut tutsuiginartuuneq ajorput, inernerisami tunngavigimmatigit paasissutissat siulittuiniarnermi atukkat iluamik paasineqarsimanersut. Aamma silassamik siulittuutiginiarneqartareerpoq qanga silap qanoq ittarnerata tunngaviginiarnera. Inernerinit nalunarneq ajorpoq naatsorsuilluni siulittuutit silallu pissusivia ataqatigiikkajuttut.
IPCC’p takorluugai
Siumungaaq siulittuiniarnermi pingaarutilik ataaseq ilanngunneq ajornaqaaq, tassa inuit naatsitsivimmi gassiusartunik aniatitsinerat millisinneqassanersoq. FN’p klimalerisitai, IPCC, assigiinngitsunik arlalinnik takorluugaqaraluarput. Nunarsuarmut tamarmut allannguutissanik siulittuiniarnerminni mianersukannerput, ilisimatuullu arlallit mianersorpallaarsoraat.