Kissatsipiloorneq
Nunarsuaq kissatsipiloortarpoq gassit kiammik uterartitsisut, erngup aalannguunnera aamma CO2 silaannarsuarmiilerlutik Nunamik avatangiigaangata. Tamakkua kiak Nunarsuarmit aniasoq uterartittarpaat.
Kissatsinneq pissusissamisooraluarpoq. Nunarsuaq kissatsitaanngikkaluaruni 30 gradit C-iusinik maannakkornit issinnerussagaluarpoq.
Oqorsagaavallaarneq
Kissatsinneq sakkortuallaaleruni ajoqutaalissaaq, taamaalisarpoq inuit aniatitaat – CO2, lattergassi methanilu – Nunarsuaq kaajallallugu avatangeraangassuk. Taamaalitillugu Nunarsuaq ileqqussamisut kiammik aniatitsisinnaajunnaartarpoq. Kissakkiartulissaarlu.
Gassit kiammik uterartitsisut annertusisut
Gassit kiammik uterartitsisut pinngortarput makkununnga nukissiornitsigut: Qaammaqqutinut, angallannermut, errorsisarnernut, kiassarnermut allanullu tamanut nukimmik pisariaqartitsunut. Inuit suliaannik tunngaveqarluni kissatsipiloorneq ukiuni kingullerni 50-ini sakkortuseriarsimaqaaq. Sermersuarmit qillikkanit paasisat takutippaat ukiuni kingullerni 650.000-ini pissusissamisoortutut akuusimasut annertusisimaqisut sulilu annertusiartuaarlutik.
CO2 nukiliornermit nukimmillu atuinermit
Europamit gassit kiammik uterartitsisut aniatitat 80 procent-ii nukiliorfinneersuusut Det Europæiske Miljøagenturip 2008-mi nalunaarutaani takuneqarsinnaavoq. Taamatut ingerlaannassagutta 2030-p tungaanut nukimmik atuineq 26 procent-imik qaffariassaaq, sulilu uulia assigisaalu nukiliuutaanerussallutik. 2005-imi Europami nukittut atugaasunit 8,6 procent-iinnaq nukioreersunit atugaavoq.
Inuit amerlassusiannut naleqqiullugu Kalaallit Nunaat CO2-mik Europap kitaani nunanisut aniatitsitigivoq
Immap sunniutaasoq annikillisarpaa
CO2-p aniatitatta ilaa, tassa 48 procent-ip missaa, imarpinnut ilannguttarpoq. Tamanna kissatsipiloornaveersaataavoq, imarpiilli tigooraajuaannarsinnaanngillat.
Methangassip sunniut annertusisissinnaavaa
Sorpassuit Nunarsuup kissakkiartuaarnera sakkortusarsinnaavaat. Soorlu masarsuit nillertut sunnigaassapput qeriuaannartumillu natillit aajoralerlutik. Taamaalippat methangas annertoorsuaq anialissaaq kissatsinnerlu sakkortusilluni.