In the Eye of Climate Change

Christianshavnimi Nordatlantens Brygge COP15-ip nalaani sammisassaqarfinni sumiiffissani qitiulluinnartut ilagissavaat. Sumiiffik taanna oqaluttuarisaanikkut qangaaniilli aallaaviusimavoq, Atlantikup Avannaanik Danmarkimut attaviliisuulluni. Tamanna malunnartinneqassaaq illup Københavnip Umiarsualiveqarfiata tungaanut iluliarsuartut ilusilerlugu qallerneqarneratigut. Illup iluani susorpassuaqassaaq. Saqqummersitsinerni marlunnik ikinnerunngitsuni silap pissusaa, Kalaallit Nunaat aamma Issittoq aallaavigineqassapput.

In the Eye of Climate Change
Saqqummersitsinermi In the Eye of Climate Change-mi suliffeqarfiit kalaallinit pigineqartut, kattuffiit oqartussaasoqarfiillu ataatsimoorlutik Kalaallit Nunaat nutaaliaasoq assilianngorlugu takutissavaat. Saqqummersitsinermi tassani takusaasut nukissiuutinut ilusiliat nutaat, issittumi teknologii, ilisimatusarneq aammalu takornariaqarnerup siunissaqarfii, uuliasiorneq aamma nunalerineq pillugit tusagaqassapput. Aammalu kultureqarnermik, nipilersornermik eqqumiitsuliornermillu misigisaqarnissamut aamma periarfissaqarluassaaq.

Kalaallit Nunaanni aamma Issittumi silap pissusaata allanngoriartornera pillugu, aammalu tamatuma uumasuni suussutsinut assigiinngitsunut qanoq sunniuteqarnera pillugu saqqummersitsinermut taaneqartumut Siku kissaruluppoq Nordatlantens Brygge aamma ininik atugassiivoq.

Denne side er printet fra www.cop15.dk/cop_15/in_the_eye_of_climate_change/